पुर्व राज्ञा ज्ञानेन्द्र शाह मध्य तराईको भ्रमणमा जादै

0
62
#

फागुन १८,

काठमाडौं : दमक स्थित आफ्नो स्वामित्वमा रहेको हिमालयन टि गार्डेनमा बस्दै आउनुभएका पुर्व राज्ञा ज्ञानेन्द्र शाहको मध्य तराईको भ्रमण फागुन २२ गतेबाट शुरु हुने भएको छ ।

देश दौडाहाको क्रममा उहाको पहिलो भ्रमण धनुषाको जनकपुरबाट हुने भएको छ । राप्रपा नेपालले हिन्दु राज्य र राजतन्त्रको माग गर्दै मेची महाकाली यात्रा तय गरेसंगै ज्ञानेन्द्रलेपनि आफ्नो यात्रा शुरु गर्न लाग्नुभएको हो ।
उहा केहीदिन जनकपुर बसेर सोही होटलबाट मध्य तराईको यात्रा तय गर्न लाग्नुभएको हो । स्रोतका अनुसार २२ गते जनकपुर पुगेर राजनीतिक भेटघाट गर्ने त्यसको भोलि पल्ट २३ गते सिराहा भ्रमण गर्ने कार्यक्रम तय भएको छ । उहाको सबै भ्रमण धार्मिक मठमन्दीर दर्शन गर्ने रहेको छ ।

धार्मिक भ्रमणसंगै उहाले विभिन्न स्थानमा आयोजना गरिने कार्यक्रममा सहभागि हुने कार्यक्रम रहेको स्रोतले जनाएको छ । उहा सडक मार्गबाटै विभिन्न जिल्लाको भ्रमण गर्नुहुने भएको छ । २३ गते सिराहा पुगेपछि २४ गते पुनः जनकपुर बस्ने कार्यक्रम तय भएको छ । २५ गते उदयपुर पुगेर विभिन्न धार्मिक कार्यक्रममा सरिक भएपछि २६ गते सप्तरीको राजविराज जाने कार्यक्रम रहेको छ । सोही दिन दमक पुगेर थप कार्यक्रम तय हुने स्रोतले जनाएको छ । ज्ञानेन्द्रको साथमा निजी सचिव सागर तिमल्सिना र निजी सहयोगी सुदन थापा, निजी सुरक्षाकर्मी शसस्त्रका डिएसपी शिव रावतको मात्र सहभागिता रहने भएको छ ।

पुर्वरानी कोमल काठमाडौ रहेकोले ज्ञानेन्द्र एक्लै भमणमा निस्कन लागनुभएको हो । उहाका साथमा कारगेट सहित करिब आधा दर्जन सवारी साधन प्रयोग हुनेछन् ।

राजावादीले आयोजना गरेको कार्यक्रममा स्थानीयस्तरबाटै स्वागत गरिने कार्यक्रम रहेको छ । पुर्व राजाका संवाद सचिव डा. फणिराज पाठकले हिजो शुक्रबार विज्ञप्ति जारी गर्दै पुर्व राजा ज्ञानेन्द्र आउदो सातादेखि धनुषा, सर्लाही, सप्तरी र उदयपुर गरी चार जिल्लाको भ्रमणका निस्कने जानकारी गराउनुभएको छ । ज्ञानेन्द्रको विभिन्न जिल्ला भ्रमणको तालिका तय गर्न निजी सचिव सागर तिमल्सिना र सुरक्षाकर्मीले सबै जिल्लाको सुरक्षाको अवस्थाबारे जानकारी लिएका छन ।

२६ गते दमक पुगेपछि थप कार्यक्रमको तयारी गरिने भएको छ । फागुन महिनाभरीनै पुर्वाञ्चल र मध्य तराईका जिल्लामा करिब एक दर्जन कार्यक्रम तय गरिएको छ ।

धार्मिक भ्रमणसंगै उहाले राजनितिक भेटघाट गर्ने हुनुभएको स्रोतले जनाएको छ । तराई भ्रमण सकेर दमक पुगेलगत्तै ज्ञानेन्द्रले राजनीतिक भेटघाट गर्नुहुने भएको छ । को–को संग भेट गर्ने भन्ने विषयमा टुंगो नलागेपनि राप्रपा नेपाल लगायत मधेशवादी दलका विभिन्न तहका नेतासंग भेटघाट गर्ने कार्यक्रम रहेको छ । ‘पहिलो भ्रमण गरेर स्थानीय जनताको चहाना बुझेपछि ती जिल्लाका विभिन्न तहका नेता तथा कार्यकर्तासं भेट गर्ने कार्यक्रम रहेको’ छ–स्रोतले नेपाल समाचारपत्रसंग भन्यो ।

माघ १३ गतेदेखि दमक बस्दै आउनुभएका ज्ञानेन्द्र करिब एक महिना पछि जिल्ला दौडाहामा निस्कन लाग्नुभएको हो । अघिल्लो वर्ष दमक पुग्दा तीनवटै राप्रपाका तेस्रो तहका नेतासंग भेट गरी हिन्दुधर्म र राजसंस्थाप्रति लगाव भएका राजनीतिक दल एकढिक्का भएर हिन्दुराज्यको पक्षमा लाग्न सल्लाह दिनुभएको थियो ।

करिब अढाई महिना अघि गएको पु्स २ गते पोखरा बसाईको क्रममा ज्ञानेन्द्रले भेट गरेका अधिकांसले हिन्दु धर्म र राजतन्त्रलाई संगै लैजानुपर्ने विषयमा बहस गरेका थिए ।

त्यहा अधिकांस नेताले ज्ञानेन्द्रलाई हिन्दुराज्य कायम गर्न सक्रिय हुन सुझाव दिएका समेत दिएका थिए । पोखरामा राप्रपा नेपालका अध्यक्ष कमल थापा , पुर्व मन्त्री लगायत केही राजावादीसंग भेट गर्नुभएको थियो । विशेषगरी राप्रपा नेपाल र राजावादीहरुको सल्लाह अनुसार ज्ञानेन्द्र शाह धार्मिक भ्रमणको नाममा राजनितिक भेटघाट गर्न लाग्नुभएको हो ।

LEAVE A REPLY